Monday, 27 June 2011

இன்னொரு


பரபரப்பான காலைகள்
மந்தமான மதியம்
களைப்பு  பூசிய மாலை
ஒரு பானம் தரும் புத்துணர்வு
மெல்ல அலையும் காற்று
வாசிப்பு எழுத்து என
நாளொன்று மிதந்து போகிறது
வெண்மையும் மஞ்சளும் ரோஜாவும்
நிறம் மாறும்  துகிலோடு.
பிரிய  மறுக்கும்  துளிகளோ  நழுவி 
நினைவின் வினோத சீசாவில்
பல வண்ணத் திரவங்களாய்
சேகரம் ஆகிறது 
ஒரு போதும் நிறையா வரத்தோடு.
மெல்ல  மூடியைக் களவாடும் 
இரவின் திருட்டுக் கரங்கள்
அள்ளித் தெளிக்கின்றன
தவறிய துளிகளின்
வண்ண வாசனையை
கனவுகளின் முற்றங்களில்.
பார்த்துக் கொண்டிருக்கும் நிலவோ
புன்னகைக்கிறது  சப்தமின்றி ஊரறிய.
ஓசையின்றி  நழுவும் இரவைக் கடியும் நிலா 
எஞ்சிய துளிகளை நாளைய பூக்களுக்கு
வண்ணமாய் வழங்கி முடிக்கையில்
எழும்புகிறது  இன்னொரு இளங்காலை. 

4 comments:

Rathnavel said...

நல்ல கவிதை.
வாழ்த்துக்கள்.

மிருணா said...

நன்றி திரு.ரத்னவேல் அய்யா.

Iniya said...

நன்றாகவே உள்ளது..1வாழ்த்துக்கள்...!

மிருணா said...

Thank you Iniya.