Tuesday, 27 September 2011

சுருட்ட இயலாத நீலக்கடல்


சுருட்டி விட இயலாத
நீலக் கடலை
ஒரு மாபெரும் பலூனுக்குள்
அடக்கிப் பறக்க விட இயலாத 
இப்பூமியின் காற்றை
ஒரே தட்டாய்த் தட்டி
செவ்வகமாக்க  இயலாத
வெண்பஞ்சு விரிவானை
வியந்து கடக்கையில்
கடக்க இயலாமலே போகிறது
ஒரு பார்வையில்
அழுந்தி வெளிவரும்
பல்வண்ண உணர்குமிழ்களை
ஒரு புன்னகையின்
பரவச வானவில்களை
ஒரு துயரில்
ஒரு பிரிவில் 
ஒரு நினைவில்
சுழன்று எழும்பும்
பல கோடி உன்னை.

Sunday, 4 September 2011

-யும்


நான் ஒரு கவிதை எழுதப் போகிறேன்

நான்   ஒரு கவிதை எழுதப் போகிறேன்  

நான்  ஒரு கவிதை எழுதப் போகிறேன்

நான்  ஒரு கவிதை எழுதப் போகிறேன்

நான்  ஒரு கவிதை எழுதப் போகிறேன்

நான்  ஒரு கவிதை எழுதப் போகிறேன்

அழுத்தத்தில் நகர்ந்து கொண்டே இருக்கிறது...

கவிதையும்.