Tuesday, 10 June 2014

ஆதல்


உலகின் பத்து சிறந்த பூக்களுள்
தான் ஒன்று அல்ல என்பது
அந்த கரிய நிலத்து சிறு பூவிற்குத்  தெரியாது
தெரிந்தாலும் அது மலர்வதை நிறுத்தாது

உலகின் இருபது சிறந்த பறவைகளுள்
தான் ஒன்று என்பது
அங்கே உயரப் பறக்கும் பறவைக்குத் தெரியாது
தெரிந்தாலும் அது பறப்பதை நிறுத்தாது.


9 comments:

திண்டுக்கல் தனபாலன் said...

ஆம்...

அருமை...

ஹ ர ணி said...

அன்புள்ள மிருணா

வணக்கம். தங்களின் வருகைக்கு.

தங்களின் எதிர்பார்ப்பு சரியானதே அதது அததை உணராத வரையில். நான சறறே முரண்படுகிறேன். நிச்சயமாக சிறப்பில்லாத மலரும் சிறப்பில்லாத பறவையும் உணரும் அதிசயம் நிகழுமாயின் தனித்த நிலையிலும மாற்றங்கள் நிச்சயம் வரும்.

இயற்கையின் அம்சங்கொண்ட எதுவும் பிரமிப்பாக இருப்பதே அவை பேசாதிருப்பதே என்பதுதான். இதனையே எமர்சன் வேறுவிதமாகப் பேசியிருக்கிறார்.

இருப்பினும் பழைய வல்லமையுடன் உங்கள் கவிதை.

தொடர்ந்து எழுதுங்கள்.

வாழ்த்துககள்.

ஹ ர ணி said...

சிறப்புள்ள பறவையும் என்று திருத்தி வாசிக்கவும்.

மிருணா said...

நன்றி திண்டுக்கல்.தனபாலன்.

வாசிப்பிற்கும், கருத்திற்கு நன்றி திரு.ஹரணி. ஏற்போ, மறுப்போ அவை தம் இயல்பை எப்போதும் விட்டுக் கொடுக்காது என்று சொல்ல விழைகிறது கவிதை பட்டியல் புயல் வீசுகின்ற ஒரு சூழலில்.அவ்வளவே.

நிலாமகள் said...

ஆறாம் அறிவினால் வரும் சேதாரம் தான் 'தேர்வுகளும்' 'சிறப்பிடங்களும்'.

மிருணா said...

மன்னிக்கவும். புரியவில்லை நிலா. நேரம் இருந்தால் விளக்கவும்.

பாரதிக்குமார் said...

ஐந்தறிவு உயிர்கள் வரை (பறவைகளோ, பூக்களோ)தம் வாழ்வியலை மற்றவற்றுடன் ஒப்பிடவோ சிறந்ததை தேர்ந்தெடுக்கவோ முதலிடம் பெற முயற்சிக்கவோ அவசியமற்று தன்போக்கில் வாழ்ந்து மடிகின்றன.

பகுத்தறியும் வல்லமை பெற்ற மனிதன் மட்டுமே படிப்பில், வேலையில் போட்டியும் தகுதித் தேர்வுகளும் சிறப்பிடங்கள் பெற விழைவும் கொண்டிருக்க வேண்டியிருக்கிறது என்று தோன்றியது தங்கள் கவிதை வாசித்து.

நிலாமகள் said...

("ஆறாம் அறிவினால் வரும் சேதாரம் தான் 'தேர்வுகளும்' 'சிறப்பிடங்களும்'.")

விளக்கத்தை எனது துணைவரின் முகவரியிலிருந்து (கவனக் குறைவாக) அனுப்பிவிட்டேன் மிருணா... மன்னிக்கவும்.

மிருணா said...

Now I got it. Thank you friend and there is no need for your apology at all.