Thursday, 28 May 2015

எனவே

அந்தப் பூ புலி நகம் போன்றது
புலி நகம் கழுகின் அலகு போலிருந்தது
கழுகின் அலகு முந்திரி வளைவு
முந்திரி வளைவு பிறை நிலா
பிறை நிலா வானில் மிதக்கும் தோணி
தோணி ஒரு கருநீலத் திமிங்கல வால்
வால் மறி ஆட்டின் கருங் கொம்பு
கருங் கொம்போ கவண் பிளவு
கவண் பிளவு விரி மரக் கிளை
விரி மரக் கிளை குழைந்து பரவும் நீருற்று
நீருற்றோ அந்தியில் செம் பளிங்குப் பூ
அந்தப் பூ...

நன்றி: சிலேட் இதழ் - மே 2015